ABŞ 90 ədəd yeni nəsil qırıcılar aldı
ABŞ "Lockheed Martin" şirkətindən 7,5 faiz endirimlə 90 ədəd F-35 tipli qırıcı təyyarə alıb.
Ölkə.Az xəbər verir ki, bunu Ağ Evin sözçüsü Şon Spayser deyib. Onun sözlərinə görə, qənaət olunmuş vəsaitin ümumi dəyəri ABŞ vergi ödəyiciləri üçün 455 milyon dollar təşkil edib:
"Ötən gün "Lockheed Martin" şirkətindən 90 ədəd F-35 tipli qırıcı təyyarə alınıb. Alınan qırıcıların hamısı yeni nəsil buraxılışdır. Onlardan 55 ədədi ABŞ ordusuna verilib”, - deyə Şon Spayser bildirib.
Ağ Ev rəsmisi təyyarələrin 7,5 faiz endirimlə alındığını və beləliklə də, ABŞ büdcəsinə xeyli qənaət olunduğunu bildirib. Onun sözlərinə görə, amerikalı vergi ödəyiciləri üçün prezidentin nail olduğu daha bir böyük qələbədir.
Ziya Səccad
Ölkə.Az
