“ABŞ İrana qarşı mübarizəni gücləndirəcək”

Ölkə.Az xəbər verir ki,  bu barədə Ağ Evin sözçüsü Şon Spayser bildirib. Onun sözlərinə görə, İrana qarşı sanksiyaların əvvəldən hazırlandığını və basqıların davam edəcəyini bildirib.

"ABŞ İrana qarşı sanksiyaları davam etdirəcək. İran beynəlxalq qanunlara əməl etməlidir", - deyə Ş.Spayser bildirib.

Qeyd edək ki, ABŞ İrana qarşı sanksiyaları genişləndirib. Bu barədə ABŞ maliyyə nazirliyi məlumat yayıb. Məlumata görə, ABŞ Tehranın ballistik raket proqramı ilə bağlı İrana qarşı tətbiq olunan sanksiyaları genişləndirib. Sanksiya İran, BƏƏ, Çin, Küveyt və Livan vətəndaşı olan 13 fiziki şəxsi, eləcə də bu ölkələrdə tətbiq ediləcək.

Sanksiyalar bu ölkələrdə yerləşən 12 şirkəti, 13 fiziki şəxsi və ələlxüsus da İran vətəndaşlarını əhatə edib.

Qeyd edək ki,bir neçə gün əvvəl İran BMT-nin qətnaməsini pozarak ballistik raketləri sınaqdan keçirib. Bu isə ABŞ-ın narazılığına səbəb olub. ABŞ prezidenti Donald Tramp Twitter səhifəsində İrana qarşı sələfi Obama kimi mülayim davranmayacağını bildirmişdi.  Onun bu mesajına İranın xarici işlər naziri Tvitterdə cavab verib: "ABŞ-ın təhdidlərinə boyun əymirik. Bu mesajlar heç vaxt bir müharibəyə səbəb ola bilməz".

Ziya Səccad
Ölkə.Az