Yeni nəsil F-35 tipli qırıcılar ABŞ-a 728 milyon dollar başa gəlib

Ölkə.Az xəbər verir ki, bu barədə şirkətdən bildirilib. Qeyd olunub ki, gələcəkdə də Amerika ilə əməkdaşlığa həmişə hazırdılar.

“Biz ABŞ ilə əməkdaşlıq etməyə çox şadıq. Şadıq ki, Amerika hökuməti F-35 tipli 90 qırıcını almağa razılıq verib. Bu barədə artıq müqavilə də bağlanılıb. Bundan sonra da ABŞ hökuməti ilə əməkdaşlıq edəcəyimizə əminik”, - deyə şirkətdən bildirilib.

Qeyd edək ki, ABŞ "Lockheed Martin" şirkətindən 7,5 faiz endirimlə 90 ədəd F-35 tipli qırıcı təyyarə alıb. Bunu Ağ Evin sözçüsü Şon Spayser deyib. Onun sözlərinə görə, qənaət olunmuş vəsaitin ümumi dəyəri ABŞ vergi ödəyiciləri üçün 455 milyon dollar təşkil edib:

"Ötən gün "Lockheed Martin" şirkətindən 90 ədəd F-35 tipli qırıcı təyyarə alınıb. Alınan qırıcıların hamısı yeni nəsil buraxılışdır. Onlardan 55 ədədi ABŞ ordusuna verilib”, - deyə Şon Spayser bildirib.

Ağ Ev rəsmisi təyyarələrin 7,5 faiz endirimlə alındığını və beləliklə də, ABŞ büdcəsinə xeyli qənaət olunduğunu bildirib. Onun sözlərinə görə, amerikalı vergi ödəyiciləri üçün prezidentin nail olduğu daha bir böyük qələbədir.

Ziya Səccad
Ölkə.Az