Mərakeş ev sahibliyindən imtina etdi

Mərakeş Futbol Federasiyası 2015-ci ildə keçirilməsi nəzərdə tutulan Afrika Millətlər Kubokunu qəbul etməkdən imtina edib. 

Buna səbəb Ebola virusunun “Qara qitə”nin Qərbində yayılması olub.

Daha əvvəl Mərakeş nümayəndələri turniri 2016-ci ildə keçirilməsini istəsə də, Afrika Futbol Konfederasiyası (CAF) onlara rədd cavabı verib. Çempionat isə 2015-ci ilin yanvarın 17-dən fevralın 5-nə qədər davam edilməsi nəzərdə tutulub.

Qeyd edək ki, Afrika Millətlər Kubokunun keçiriləcəyi ölkənin adı noyabrın 11-də CAF-in İcra Komitəsinin iclasında müəyyənləşəcək. Əvvəllər turniri Nigeriya qəbul etməyə hazır olduğunu bildirib. (apasport.az)

Ölkə.Az