Türkiyə vahimə içərisində

Ölkə.Az xəbər verir ki, 5,5 bal gücündə olan yeraltı zəlzələdən sonra dağıntılar və xəsarət alanlar olub. 

Zəlzələnin gücü Muğla, Aydın, İzmir və Tekirdağda da hiss edilib. Bir qədər sonra eyni gücdə daha bir yeraltı təkan qeydə alınıb. Zəlzələdən sonra aparılan ilkin araşdırmalar nəticəsində 12 kənddə 110 evə ziyan dəydiyi müəyyən edilib. Bundan başqa, 5 nəfər yaralanıb.

Daha sonra Türkiyənin Egey dənizi sahillərində ard-arda zəlzələlər baş verib. Belə ki, 5,3 bal gücündə iki və 4,4 baladək gücdə bir neçə yeraltı təkan nəticəsində 11 kənddə 110 evə ziyan dəyib.

Evlərə ziyan dəyən sakinlər üçün çadırlar qurulub, yemək paylanılıb. Sakinlərə evlərinə qayıtmamaq tövsiyə edilib. Çünki zəlzələdən sonra avterşokların olacağı istisna edilmir. Bu səbəbdən də, bünövrəsi uçuq olan evlərin dağılma təhlükəsi var. 

 Ərazilərə xilasedicilər, təcili yarıdm həkimləri göndərilib. Sakinlərə kömək etmək üçün kənd bələdiyyə işçiləri də səfərbər olunub.

Ziya Səccad
Ölkə.Az