Benyamin Netanyahu od püskürdü
Ölkə.Az xəbər verir ki, bu barədə İsrailin Baş naziri Benyamin Netanyahu bildirib. Onun sözlərinə görə, bu gün İsrailin cənubuna edilən hücumlərin təşkilatçıları məhv ediləcək.
“Bu gün hərbi təyyarələr və tanklar Həmas silahlılarına ağır zərbələr endirib. Bizim siyasətimiz göz qabağındadır. İsrailə edilən bir hücumun əvəzində biz bir neçə dəfə güclü hücum edirik. Elə şey ola bilməz ki, bizə edilən həmlə cavabsız qalsın”, - deyə Benyamin Netanyahu Facebook səhifəsində yaydığı videomüraciətdə bildirib.
Baş nazir İsrail ordusunun yenə də hücum edəcəyini bildirib. Video görüntü Londonda Benyamin Netanyahu ilə Britaniyanın baş naziri Tereza Mey ilə görüşəcəyi məkanda çəkilib.
Qeyd edək ki, bu gün İsrailə məxsus hərbi təyyarələr Qəzza zolağına hava zərbəsi endirib. İsrail aviasiyası və artilleriyası bazar ertəsi axşam Qəzza Zolağı ilə sərhəddə hərbçilərinin atəşə tutulmasından sonra Fələstin döyüşçülərinin mövqelərinə hücum edib.
Bu barədə İsrail müdafiə nazirliyinin açıqlamasında bildirilir. Məlumatda deyilir ki, hədəfdə Həmas-ın mövqeləri olub.
Ziya Səccad
Ölkə.Az
