Tramp: “ABŞ ordusuna görə dünyada birinci ölkədir”

Ölkə.Az xəbər verir ki, bu barədə ABŞ-ın 45-ci prezidenti Donald Tramp bildirib. Onun sözlərinə görə, ABŞ həmişəki kimi ordusuna və silahlarına görə yenə də dünyada birinci yerdədir.

“Mən "Lockheed Martin" şirkətinin rəhbərliyinə minnətdaram ki, bizimlə sərfəli müqavilə bağlayıb. Həmçinin onlara təyyarələrin qiymətində böyük güzəşt etdiklərinə görə təşəkkür edirəm. Birinci Dünya Müharibəsindən bəri ABŞ ordusu güclü və müasit silahları ilə öndə olub. Bu gün də bu belədir və bundan sonra da belə olacaq”, - deyə Tramp bildirib.

Yeni rəhbər onu da qeyd edib ki, bu qırıcıların alınması zamanı ABŞ 700 milyon dollar qənaət edib.

Qeyd edək ki, ABŞ "Lockheed Martin" şirkətindən 7,5 faiz endirimlə 90 ədəd F-35 tipli qırıcı təyyarə alıb. Yeni nəsil F-35 tipli qırıcıları ABŞ-a 728 milyon dollar başa gəlib. Ağ Ev rəsmisi təyyarələrin 7,5 faiz endirimlə alındığını və beləliklə də, ABŞ büdcəsinə xeyli qənaət olunduğunu bildirib.

Ziya Səccad
Ölkə.Az