Ərdoğanla Trampın telefon danışığı 45 dəqiqə davam edib
Xəbər verildiyi kimi dünən gecə saatlarında Türkiyə prezidenti Ərdoğanla amerikalı həmkarı Donald Tramp arasında telefon danışığı baş tutub
"Ölkə.Az" xəbər verir ki, liderlər 45 dəqiqə telefonla danışıblar. İki lider hər növ terrora qarşı birlikdə mübarizə aparmaq məsələsində qərarlı olduqlarını bildiriblər.
Türkiyə prezidentinin mətbuat xidmətinin verdiyi məlumata əsasən, Ərdoğan Trampa işində uğurlar arzulayıb. Prezident Türkiyə və ABŞ-ın hər zaman dost və müttəfiq iki dövlət olduğunu vurğulayıb.
ABŞ prezidenti Tramp ölkəsinin stratejik tərəfdaşı və NATO üzvü sayılan Türkiyəni dəstəklədiyini bildirib və İŞİD terror qruplaşmasına qarşı aparılan mübarizədə Türkiyənin fəaliyyətini məmnuniyyətlə qarşıladığını ifadə edib.
Hikmət
Ölkə.Az
