ABŞ-da şok iddia

"Ölkə.Az" xəbər verir ki, Trampın məsləhətçiləri seçki prosesində ruslarla daim əlaqədə olublar. Bu rus diplomatlar isə ABŞ xüsusi xidmət orqanları tərəfindən şübhəli şəxslər siyahısına salınıb.

"CNN" telekanalının iddiasına görə, seçki prosesində Trampın seçki kampaniyasında və şirkətlərində rəhbər vəzifə tutan şəxslər şübhəli rus vətəndaşları ilə müntəzəm görüşlər keçiriblər. Xüsusi xidmət orqanları məlumat verir ki, bu görüşlər adi texniki müşahidə zamanı qeydə alınıb. Görüşlərin müntəzəmliyi və görüşənlərin Trampa yaxın şəxslər olması Amerika xüsusi xidmət orqanlarında müəyyən şübhələrin ortaya çıxmasına səbəb olub.

Ruslarla görüşənlər arasında Trampın seçki kampaniyasının direktoru Pol Manafort və məsləhətçisi Maykl Flinn də olub.

ABŞ Konqresinin bir çox "Respublika"çı millət vəkili və senatoru Tramp administrasiyasının ruslarla olan münasibət və görüşləri məsələsində incələmələrin aparılması lazım olduğunu qeyd edib.

Hikmət
Ölkə.Az