Zabitlərə rus gözəlləri ilə görüş qadağan olundu

Britaniyanın yüksək vəzifəli hərbçiləri dövlət sirrinin qorunması naminə Rusiyadan və Çindən olan qızlarla görüşməkdəm imtina etməlidirlər. 

Böyük Britaniyanın Müdafiə Nazirliyi hesab edir ki, Rusiyadan olan cəlbedici qızlar təhlükəli casus ola bilərlər, onların kişilərlə əlaqəsinin məqsədi isə böyük və xoşbəxt gələcək yox, gizli informasiya əldə etməkdir.

Britaniyalı jurnalistlər deyirlər ki, “KQB” “soyuq müharibə” zamanı informasiya əldə etmək üçün belə vasitələrdən istifadə edib – gənc rus hərbçiləri Qərbi Almaniyada məmurların qoca katibələrini aldadırdılar. “The Daily Mail” qəzeti hərbçilərdən birinin müsahibəsini nümunə kimi göstərir, hərbçi etiraf edir ki, Sankt-Peterburqda gözəl sarışın qadın onu yoldan çıxartmaq istəsə də, o, sehrə uymayıb. .

Xatırladaq ki, Katerina Zatuliveter 2010-cu ildə Kremlin xeyrinə casusluqda ittiham olunub, o, müdafiə komitəsi ilə bağlı olan Mayk Xenkokomla görüşürmüş. Ancaq qız Böyük Britaniyadan deportasiya olunması ilə bağlı məhkəmə prosesini udub. 

Anna Çapmanla bağlı hadisə də məlumdur. Onu ABŞ-ın Mərkəzi Kəşfiyyat İdarəsinin siyasəti və nüvə silahı barədə gizli məlumatları əldə etməyə cəhddə günahlandırırdılar. Çapman Rusiyaya deportasiya olunub.

Britaniya xüsusi xidmətinin məlumatına görə, hazırda Birləşmiş Krallığın ərazisində 50-dən çox rus casusu işləyir. (modern.az)

Ölkə.Az