Tramp daha sərt fərman imzalayacaq

Ölkə.Az xəbər verir ki, bu barədə dövlət başçısı Donald Tramp özü bildirib. Onun sözlərinə görə, bu fərman məğzinə görə tam fərqli olacaq.

“Gələn həftə yeni fərman hazırlayacağıq. Bu fərman əvvəlkilərdən məğzinə görə fərqlənəcək. Fərmanda ABŞ-ın təhlükəsizliyinin daha da möhkəmlənməsi üçün müxtəlif sistemli qaydalar tətbiq olunacaq. Hazırda biz müxtəlif variantları nəzərdən keçiririk”, - deyə Tramp bildirib.

Tramp əvvəlki prezident Barak Obamadan da şikayət edib. Trampın sözlərinə görə, Obamadan ona ölkənin daxilində böyük problemlər qalıb.

"Bildiyiniz kimi administrasiya mız hökümətdə, eləcə də iqtisadiyyatda çoxsayda problem miras qalıb", - deyə Tramp bildirib.

Qeyd edək ki, ABŞ-ın 45-ci prezidenti Donald Trampın fərmanına görə, İraq, İran, Suriya, Sudan, Yəmən, Liviya və Somali vətəndaşları 90 gün ərzində ABŞ-a buraxılmamalıdırlar. Trampın bu tipli addımları isə dünyada birmənalı qarşılanmır. Siyasətçilər hesab edirlər ki, belə qəzaralar Trampın ABŞ-ı müdafiə sistemində saxlaması ilə əlaqədardır. Bu fərmandan sonra 720 əcnəbinin ABŞ-a girişinə qadağa qoyulub. 

Ziya Səccad
Ölkə.Az