Türkiyədə silsilə terror törədənlər öldürüldü

Türkiyənin Mardin vilayətinin Nusaybin rayonunda PKK terrorçuları ilə polis arasında baş verən atışmadan sonra əməliyyat keçirilib.

“Ölkə.Az” xəbər verir ki, polisləri atəşə tutan terrorçuların izinə düşülüb. Polislər terrorçuları təslim olmağa çağırsalar da, onlar əmrə tabe olmayıblar. Polislə terrorçular arasında atışma baş verib. Atışma zamanı 2 terrorçular öldürülüb.

Əldə edilən məlumata görə, araşdırmalar zamanı öldürülən terrorçuların kimliyi məlum olub. Onların Behzad və Musa kod adlı terrorçular olduğu məlum olub. Araşdırmalar zamanı həmin terrorçuların İstanbul, Ankara və Adana terror aktları törətdikləri də məlum olub.

Qeyd edək ki, bu gün Türkiyədə terrorçular hüquq-mühafizə orqanlarının əməkdaşlarına silahlı hücum təşkil ediblər.

Hadisə Mardin vilayətinin Nusaybin rayonunda qeydə alınıb. PKK terrorçularının hücumu nəticəsində 1 əsgər və 1 polis əməkdaşı yaralanıb. İnsidentin digər təfərrüatları barədə hələlik məlumat verilmir.

Qeyd edək ki, bu gün Türkiyə polisinin keçirdiyi əməliyyat nəticəsində Mardin vilayətində PKK terrorçularının yeraltı sığınacağı aşkarlanıb. Yeraltı sığınacaqda silah və sursat saxlanılırmış. Silahlar müsadirə olunub. Ərazi dağıdılıb.

Ziya Səccad
Ölkə.Az