Ermənistanda qəzəbli kütlə Yerevandakı “Azadlıq” meydanını zəbt etdi
Bu gündən Ermənistanın paytaxtı Yerevan şəhərindəki “Azadlıq” meydanında Artur Sarkisyanın azad edilməsi tələbi ilə yürüş başlayıb.
“Ölkə.Az” xəbər verir ki, qəzəbli kütlə mərkəzi küçələrlə hərəkət edərək “Məhbuslar xəstəxanası”nın binasının ətrafına toplaşıblar. Aksiya iştirakçıları Artur Sarkisyanın azad olunmasını tələb ediblər. Həmçinin hökumət əleyhinə də şüarlar işlədiblər.
Bundan əlavə, etirazçılar Artur Sarkisyandan fevral ayının 9-da başladığı aclıq aksiyasını dayandırmağı xahiş ediblər.
Qeyd edək ki, Artur Sarkisyan ötən ilin iyul ayında Ermənistan polisi alayının binasını zəbt etmiş “Sasna Tsrer” silahlı qrupunun dəstəklənməsində ittiham edilir.
Ziya Səccad
Ölkə.Az
