Əfqanıstanda Pakistan əleyhinə aksiya
Əfqanıstanın şərqindəki Nangarhar vilayətinin Lal Pur rayonunda aksiya keçirilib
"Ölkə.Az" xəbər verir ki, aksiya iştirakçıları Pakistandan sərhəddəki hücumları dayandırmağı tələb edib. Pakistanın ölkənin daxili məsələlərə müdaxilə etdiyini iddia edən aksiya iştirakçıları Lal Pur rayon icra hakimiyyətinin binasına tərəf yürüş ediblər.
"Heç bir ölkənin Əfqanıstanın daxili işlərinə müdaxilə etməsini istəmirik", "Pakistan rayonumuza edilən hücumları dayandırsın" tipli şüarlar səsləndirən aksiya iştirakçıları ölkədə hökm sürən qeyri-sabitlikdə Pakistanı günahlandırıblar. Aksiyada Pakistan bayrağı yandırılsa da, heç bir insident qeydə alınmayıb.
Qeyd edək ki, Pakistan ordusu son üç gün ərzində Lal Pur rayonuna yüzrlərlə raket atıb.
Hikmət
Ölkə.Az
