Şon Spayser: “Tramp Rusiya ilə əməkdaşlıq etməyə razıdır, lakin ...”

“Ölkə.Az” xəbər verir ki, bu barədə Ağ Ev sözçüsü Şon Spayser jurnalistlərə açıqlamasında bildirib. Onun sözlərinə görə, hazırda ölkə baçısı bu barədə araşdırmalar aparır.

“D.Tramp çalışacaq ki, ABŞ ilə Rusiya arasında yaranmış problemləri tədricən aradan qaldırsın. Bu baxımdan Amerika lazımı addımlar atmaağ hazırdır. Lakin bu sahədə Rusiya da müəyyən cəhdlər etməlidir” – deyə Şon Spayser bildirib.

Ağ Ev rəsmisinin sözlərinə görə, D.Tramp ABŞ ilə Rusiyanın hətta müəyyən sahələrdə əməkdaşlıq edə bilməsini də istisna etmir:

“Tramp düşünür ki, ABŞ və Rusiyanın 2 sahədə əməkdaşlığı mümkündür. O, düşünür ki, əgər danışıqlar səmərəli olarsa, Amerika ilə Rusiya terrorla mübarizədə və iqtisadi baxımdan əməkdaşlıq edə bilər. Əgər bu əməkdaşlıq Amerikanın xeyrinə olarsa, bu zaman iki dövlət yaxşı “dil tapar”. Düşünürük ki, bu Rusiyanın da xeyrinə olar”.

Şon Spayser həmçinin Ağ ev ilə Moskvanın İŞİD terro təşkilatı ilə mübarizədə əsas rol oynayacağını da istisna etməyib:

“İŞİD terror təşkilatı ilə mübarizədə Rusiya ABŞ ilə razılığa gələ bilər. Bu sahədə Rusiya ABŞ-la razılaşsa və iqtisadi baxımdan bu Amerikanın xeyrinə olarsa, əməkdaşlıq baş tutar. Biz Rusiya ilə bu şərtlər altında işləməyə həmişə hazırıq”.

Ziya Səccad
Ölkə.Az