Ermənistan Rusiyanı belə satdı

Ermənistanın müdafiə naziri Vigen Sərkisyan NATO ilə əməkdaşlıq barədə açıqlama verib

"Ölkə.Az" xəbər verir ki, nazirin bəyanatına əsasən, Ermənistanın NATO ilə qarşılıqlı əməkdaşlığı rəsmi Yerevanın strateji müttəfiqi Moskvanın maraqları əleyhinə yönəlməyəcək. Erməni nazir bildirib ki, Yerevanın NATO ilə əməkdaşlığı mütəfiq ölkələr və partnyorlar üçün həmişə tamamilə açıq şəkildə təşkil edilib.

Vigen Sərkisyan bəyanatında bu əməkdaşlığın Rusiyaya qarşı yönəlmədiyini desə də, politoloqlar bununla razılaşmır. Nazir isə bunu gizli etmədiklərini deyir:

"Biz heç vaxt bunu məxfi etməmişik. Bizim qarşılıqlı əməkdaşlığımız heç vaxt bizim strateji müttəfiqimiz Rusiya əleyhinə yönəldilə bilməz. Ermənistanın və NATO-nun fərdi partnyorluq proqramı ilk növbədə silahlı qüvvələr üzərində demokratik nəzarət sisteminin inkişafını nəzərdə tutur".

Qeyd edək ki, 2016-cı ilin iyul ayında məlumat verilmişdi ki, Ermənistan prezidenti Serj Sərkisyan Varşavada keçirilən NATO sammitində iştirak edəcək.

Hikmət
Ölkə.Az