"Mercedes-AMG S 63 S" modelinin ən güclü versiyası
"Fostla" şirkətinin mütəxəssisləri "Mercedes-AMG S63 S" modeli üzərində işləyiblər
"Ölkə.Az" xəbər verir ki, standart "Mercedes-AMG S 63 S" modeli V8 tipli, bi-turbo mühərriki ilə təchiz edilib. Aqreqat 585 at gücü hasil edir. Şirkətin mühəndisləri modeli daha da təkmilləşdiriblər. Yeniliklər hesabına avtomobilin texniki göstəriciləri "Lamborghini Aventador S" avtomobilinin səviyyəsindədir.
"PP-Performance" mütəxəssisləri yeni paket təqdim ediblər. "Mercedes-AMG S 63 S"-in aqreqatı artıq 740 at gücü hasil edir. 100 km/saat sürəti isə cəmi 3.5 saniyəyə əldə edir.
Tünerlər modelin təkcə texniki xarakteristikasına yox, eyni zamanda xarici görünüşünə də "əl gəzdiriblər". Avtomobilin kuzovuna tünd göy rəngli xrom vinil çəkilib. Arxa fənərlər dəyişdirilib və 22 düymlük təkər bazası yenilənib.
Hikmət
Ölkə.Az
