Mixail Saakaşvili məhkəmədə cavab verəcək

"Ölkə.Az" xəbər verir ki, ukraynalı hüquq müdafiəçisi Oleq Kurçin ölkənin baş prokurorluğuna ərizə ilə müraciət edib. Ərizədə Mixail Saakaşvilinin Ukrayna suverenliyinə qəsd etdiyi bildirir. Kurçinin fikrinə görə, Saakaşvili öz çıxışında Odesaa vilayətini təhqir edib.

Saakaşvilinin iddiaya səbəb olan çıxışı isə budur: "Təbii ki, onlar mane olurdular, mən bilirdim ki, hamı mane olacaq. Çünki bu region separatçı regiondur və rəhbərliyində də separatçılar oturub".

Kurçin buna cavab olaraq bildirib: "Milli münaqişənin qızışdırılması, yəni Mixail Saakaşvilinin hərəkətləri Odessa, Kiyev, Donets və Luqansk əhalisini bir-birinə qarşı qoya bilər".

Qeyd edək ki, bir müddət əvvəl Mixail Saakaşvili Ukraynada oliqarxların kiçik kriminal dəstəsi olduğunu da bildirmişdi.

Hikmət
Ölkə.Az