Ərdoğanın Rusiyaya rəsmi səfərinin vaxtı dəqiqləşdi
Türkiyə prezidenti Ərdoğan mart ayının 9-u Rusiyaya səfər edəcək
"Ölkə.Az" xəbər verir ki, Ərdoğanın rəsmi səfəri iki günlük nəzərdə tutulub. Bu barədə Rusiya prezidentinin mətbuat katibi Dmitri Peskov xəbər yayıb.
Məlumata əsasən, Türkiyə prezidenti rusiyalı həmkarı Vladimir Putinlə görüşəcək. Eyni zamanda Ərdoğanın yüksək səviyyəli əməkdaşlığa həsr edilmiş türk-rus Şurasının iclasında da iştirak edəcəyi planlaşdırılıb.
Yüksək səviyyədə keçiriləcək görüşdə ticari və iqtisadi sahədə əməkdaşlığın möhkəmləndirilməsi məsələləri müzakirə ediləcək.
Qeyd edək ki, bir müddət əvvəl Rusiya xarici işlər nazirinin müavini Aleksey Meşkov və Türkiyə xarici işlər nazirinin müavini Umut Yardım iki ölkə arasında qarşılıqlı münasibətlərin normallaşdırılmasından məmnun qaldıqlarını ifadə ediblər.
Hikmət
Ölkə.Az
