ABŞ-ın İraqa Suriya tapşırığı, yaxud Rusiya üçün qurulan tələ
Siyasi ekspertlər hesab edirlər ki, bu İraqa verilən xüsusi tapşırıqdır. Politoloq Qabil Hüseynli Ölkə.Az-a açıqlamasında bildirib ki, İraqa verilən bu tapşırığın arxasında xüsusi maraqlar durur.
“İraq ordusuna Suriyaya girmək əmri Amerikadan verilib. Amerikada qoşunların ən azı 2500 nəfəri Suriyada döyüşür. Davamlı olaraq canlı qüvvə gəlməkdədir. Bundan sonra Suriyada keçiriləcək əməliyyatda İraq yerüstü qüvvələrilə yanaşı Amerikanın “dəniz pişikləri” deyilən desant qüvvələri iştirak edəcək. Amerika İraq və Suriya ərazisinə nəzarətin gücləndirilməsini həyata keçirir. İraq qoşunları Rakkanı Türkiyədən və Rusiyadan əvvəl ələ keçirməyə çalışırdı. Döyüşə ABŞ-ın dəstək verdiyi koalisiya qüvvələri dəstək verirdi”, - deyə siyasətçi bildirib.
Qabil Hüseynli güman edir ki, burada böyük güclərin NATO və Rusiyanın toqquşmaları ola bilər:
“Türkiyə də İraqdan çıxacağı barədə ilk siqnalları verib. Buradan belə başa düşmək olar ki, Suriyada qalan Rusiyanın desant qüvvələridir, az sayda hava qüvvələridir. İndi vəziyyət kifayət qədər mürəkkəbdir. İndi Aralıq dənizində Rusiyanın bir həbri dənizinin arxasında 5-6 NATO gəmisi, suyun altında da sualtı gəmi var. Belə bir şəraitdə rusların və iranlıların əl-qolu bağlanıb. İraqdakı şiə qüvvələri İraqın Suriyada yerləşən qüvvələrinə kömək etmək iqtidarında deyil. Dünən İngiltərənin baş naziri Tereza Mey Cenevrədə keçirilən müşavirəylə bağlı bəyanat yayıb. Bəyanatda deyilir ki, keçici koalisiya hökumət yaradılmalıdır. Bu yeni hakimiyyətdə Bəşər Əsəd təmsil edilməməlidir”.
Ekspert düşünür ki, bu sözlər elə-belə deyilməyib:
“Qabaqcadan planlaşdırılmış əməliyyatın detallarını bilən xanım, Suriyada baş verəcək hadisələrin yekunlaşmış ifadəsini verməyə çalışdı. Bu faza həlledici olmalıdır”.
Ziya Səccad
Ölkə.Az
