ABŞ-da terror şoku

“Ölkə.Az” xəbər verir ki, ABŞ-da  yəhudi mədəniyyət mərkəzlərində güclü partlayışlar olacağı barədə polisə məlumatlar daxil olub. Daxil olan məlumatlara görə, Amerikanın 16 yerində yerləşən yəhudi mədəniyyət mərkəzinə bombalar quraşdırılıb.

Polisə edilən anonim zənglərdə bildirilib ki, Şimali Karolina, Alabama, Florida, Pensilvaniya, Nyu-Cersi, Delaver və İndiana ştatlarına yerləşən mədəniyyət mərkəzlərində bomba var. Məlumat daxil olan kimi ərazilərə polis əməkdaşları, xilasedicilər cəlb olunub. İnsanlar dərhal obyektlərdən təxliyyə ediliblər. Sonra mərkəzlər bağlanılıb. Daha sonra axraşlar başlanılıb. Lakin axtarış nəticəsində heç bir partlayıcı aşkar edilməyib.

Qeyd edək ki, fevralın 20-də 11 yəhudi mədəniyyət mərkəzində bomba barədə anonim xəbərdarlıqlar edilsə də, faktlar təsdiqini tapmayıb. Bu hadisədən sonra ABŞ prezidenti Donald Trump və qızı İvanka belə hadisələri qınayıblar.

Ziya Səccad
Ölkə.Az