Adriano Çelentano: “Məni və arvadımı girov götürmək istəyirlər”
“Ölkə.Az” xəbər verir ki, məşhur aktyor öz və həyat yoldaşı Klaudiya Morinin təhlükədə olması barədə məlumat verib. Onun sözlərinə görə, İraliyanın şimalında yerləşən evlərinin yaxınlığında qəribə hadisələr baş verir.
“Mən artıq öz və Klaudiya Morinin həyatı üçün qorxuya düşmüşəm. Bizi naməlum insanlar hədələyir. Keçən həftə gecə həyat yoldaşımın avtomobilinin şüşələrini sındırıblar. Lakin heç nə oğurlamayıblar. Uzun müddətdir ki, evi naməlum şəxs izləyir. Gecələr evimizin ətrafında tanımadığımız adamlar gəzişir”, - deyə aktyor şikayətlənib.
79 yaşlı Adriano Çelentanonun sözlərinə görə, kimlərsə onu və həyat yoldaşını girov götürmək istəyir.
“Mən polisə müraciət etdim. Artıq bizim ailənin təhlükəsizliyinə İtaliya polisi cavabdehdir. Tələb etmişəm ki, evimiz daim nəzarət altında olsun”, - deyə Adriano Çelentano bildirib.
Polisdən bildiriblər ki, aktyorun evi, həyəti və evlərinin yaxınlığında müşahidə kameraları quraşdırılacaq. Ərazi 24 saat nəzarət altında olacaq. Yaxınlıqda polislər keşik çəkəcək.
Qeyd edək ki, Adriano Çelentano 1938-ci ildə İtaliyada doğulub. İtaliya aktyoru, estrada müğənnisi, bəstəkar, rejissor, ictimai xadim Adriano Çelentano aktrisa Klaudiya Mori ilə ailə həyatı qurub. Adriano Çelentanonun 40-dan çox diski, minlərlə kaseti işıq üzü görüb. O, 5- -yə yaxın filmdə çəkilib. O, əsasən komediya filmlərindən tanınır. Adriano Çelentano təkcə İtaliyada deyil, dünyanın bir çox ölkəsində tanınır və sevilir.
Ziya Səccad
Ölkə.Az
