Trampdan şok müraciət

"Ölkə.Az" xəbər verir ki, Tramp İrana göz dağı verib, Meksika ilə sərhəddə divar inşa ediləcəyini vurğulayıb və İŞİD-ə qarşı mübarizədə İslam dünyasındakı müttəfiqləri ilə əməkdaşlıq edəcəyini bildirib.

Tramp deyib: "Bu alçaq düşməni yer üzündən silmək üçün İslam dünyasındakı dost və müttəfiqlərimiz də daxil olmaqla bütün müsəlman dostlarımızla əməkdaşlıq edəcəyik".

ABŞ Konqresinə Konstitusiya məhkəməsinin üzvlərindən sonra ölkənin birinci xanımı daxil olub. Sonra isə Tramp kabinetinin nazirləri salona keçib.
Tramp ABŞ-ın ciddi təhdidlərlə üz-üzə qaldığını bildirib və bu mövzuda çox işin görüləcəyini qeyd edib: "Ölkəmizdə yəhudiləri və mərkəzlərini hədəf alan hücum və təhdidlər nə qədər çox iş görəcəyimizi göstərir. Hər cür nifrət və şiddətin əleyhinəyik. Bölünmüş ölkəmizi yenidən birləşdirəcəyik. Amerikan ruhunu yeniləcəyik. Dünyadakı bütün ölkələr ABŞ-ın azad, güclü və qürurlu bir ölkə olduğunu görəcək".

Tramp miqrasiya qanununa toxunaraq deyib: "Radikal İslam terrorundan vətəndaşlarımızı qorumaq üçün güclü addımlar atırıq. Terrorçuların çoxu ABŞ-a digər ölkələrdən gəlib. Nəzarətsiz girişə icazə verə bilmərik. ABŞ-a ancaq ABŞ-ı və amerikalıları sevənlər gələ bilər. Terrorçular bizim ölkəyə gələ bilməz".

ABŞ prezidenti İŞİD terror qruplaşmasına qarşı mübarizənin davam edəcəyini və İŞİD-i mütləq yer üzündən siləcəklərini vurğulayıb.

Hikmət
Ölkə.Az