Əl-Qaidə çağırış etdi

"Əl-Qaidə" döyüşçüləri neft kəmərləri və tankerləri partlatmağa çağırıb.

Ölkə.Az Rosbalt agentliyinə istinadən xəbər verir ki, "Əl-Qaidə" terror təşkilatının liderləri döyüşçüləri bütün dünyada neft kəmərləri və neft daşıyan tankerləri partlatmağa çağırıb. IHS Jane's konsaltinq şirkətinin verdiyi məlumata əsasən, terrorçular bununla "iqtisadi müharibənin" başlayacağına ümid edirlər. "İqtisadi müharibəyə" neftin qiymətinin qalxması və dənizdə bu enerji ehtiyatının daşınmasına sərf olunan xərclərin artması daxildir.

Xatırladaq ki, bir müddət əvvəl ABŞ-ın rəhbərlik etdiyi antiterror koalisiyası kiçik neft emalını həyata keçirən bir sıra zavodlara hava zərbələri endirmişdi.

Rəşid Mustafazadə

Ölkə.Az