Türkiyə ABŞ-a şərt qoydu
Ölkə.Az istipress-ə istinadən xəbər verir ki, bu barədə Türkiyə hökumətinə yaxınlığı ilə tanınan "Yeni Şəfəq" xəbər yayıb.
Bildirilir ki, əgər ABŞ Rəqqa əməliyyatında PKK/PYD/YPG terror təşkilatları ilə əməkdaşlıq etsə, Türkiyə İncirlik bazasını amerikalı hərbçilərin üzünə bağlayacaq.
Qəzet yazır ki, Rəqqa əməliyyatlarının başlaması üçün Ankara və Vaşinqton arasında danışıqlar aparılır və Türkiyə PKK/PYD/YPG terror təşkilatlarının hərbi əməliyyatlarda iştirak etməməsini ABŞ-ın qarşısında şərt qoyub.
Türkiyə əməliyyatların Suriyanın yerli ərəb və kürd döyüşçüləri, Azad Suriya Ordusu ilə həyata keçirilməsini təklif edib. Hazırda ABŞ hərbi səlahiyyətliləri məsələ üzərində işləyirlər.
Türkiyənin İŞİD-lə mübarizəsində İncirlik bazasından kifayət qədər dəstək verilmir. Hərbi çevriliş cəhdində bu bazadan fəal istifadə edilib. Elə bu səbəbdən İncirlik bazasının Türkiyədə bağlanması gündəmə gəlmişdi.
