İŞİD-in yeni lideri kimdir?

Səddam Camal əslində kimdir?

Ölkə.Az xəbər verir ki, hava hücumları nəticəsində öldürülən İŞİD-in lideri Əl-Bağdadidən sonra onun vəzifəsini tutacaq şəxsin adı açıqlanıb.

"Telegraph"-ın verdiyi məlumata görə, yeni İŞİD lideri elə həmin qruplaşma tərəfindən evi uçurulduqdan sonra bu sıralara qatılan Səddam Camal adlı şəxsdir.

Bildirilir ki, Əvvəllər İŞİD-in tərkibində vuruşan, lakin islam dinini yanlış formada təqdim etməsi səbəbindən qruplaşmadan qaçan Abdulla adlı bir nəfər qəzetə verdiyi müsahibəsində yeni lider haqqında maraqlı məlumatlar verib.

Abdullanın sözlərinə görə, əvvəllər narkotik satışı ilə məşğul olan Camal sonradan Azad Suriya Ordusuna qatılıb:

"İŞİD Camalın evini uçuraraq qardaşlarından birini qətlə yetirdi. Qardaşlarından birini isə girov götürərək öldürdü. Bundan sonra Camal bir müddət yoxa çıxdı. 2013-cü ild isə o yenidən göründü və Camalın İŞİD-ə qoşulduğu açıqlandı. O insan çox qəddardır və ana ilə atanın gözü qarşısında uşaqlarının başını kəsib”.

Rəşid Mustafazadə

Ölkə.Az