İran qadınlara bunu icazə verdi

Qavami azad olunacaq?

Ölkə.Az İranın dövlət informasiya agentliyinə istinadən xəbər verir ki, ölkənin gənclər və idman nazirliyi KİV-nin qadın nümayəndələrinə kişilərin voleybol matçlarında iştirak etməyi icazə verib.

Bazar günü Beynəlxalq voleybol federasiyası yarışlarda iştirak etdiyi üçün həbs olunan iranlı qadın Qönçə Qavaminin azad edilməsini tələb edib. Federasiyadan bildirilib ki, əks halda ölkədə beynəlxalq səviyyəli yarışların keçirilməsinə qadağa qoyula bilər.

Qavami İranda voleybol yarışlarına qadınların getməsinin qadağan edilməsinə etiraz edəndə tutulub. İranda 1979-cu ildə islam inqilabından sonra qadınların futbol stadionlarına getməsi qadağan olundu. 2012-ci ildə İranın idman və gənclər nazirliyi bu qadağaya voleybol yarışlarını da əlavə etdi.

İran rəsmiləri bildirirlər ki, stadionlarda qadınlarla kişilərin birlikdə olması ictimai maraq baxımından düzgün deyil və bu qadağa qadınların öz marağındadır.

Rəşid Mustafazadə

Ölkə.Az