Liviyada dəhşətli partlayış

Ölənlərin sayı dəqiq bilinmir.

Ölkə.Az türk mətbuatına istinadən xəbər verir ki, Tobruk şəhərində partlayış baş verib. Liviyanın şimalında yerləşən Tobruk şəhərində baş verən güclü partlayış nəticəsində xeyli ölən və yaralanan var.

Bildirilir ki, avtomobilin partlayışı Liviya kəşfiyyatının mənzil-qərargahı yaxınlığında, şəhərin mərkəzi küçəsində baş verib. Hadisə şahidlərinin sözlərinə görə, partlayış nəticəsində xeyli sayda ölən və yaralanan var, lakin onların dəqiq sayı müəyyənləşdirilməyib.

Xatırladaq ki, Liviya parlamenti paytaxt Tripolidə vəziyyətin gərginləşməsindən sonra ölkənin şimalında yerləşən Tobruk şəhərinə köçürülmüşdü. Bu ayın 4-də isə Liviya rəhbərliyi ordu ilə radikal döyüşçülər arasında döyüşlərin baş verməsi ilə əlaqədar Benqazi limanını bağlayıb.

Rəşid Mustafazadə

Ölkə.Az