Lavrov: Putin Ərdoğanla Suriya məsələsini müzakirə edəcək

"Ölkə.Az" xəbər verir ki, bu barədə Rusiyanın xarici işlər naziri Sergey Lavrov Azərbaycanın xarici işlər naziri Elmar Məmmədyarovla görüşün nəticələrinə dair açıqlamasında məlumat verib.

Lavrov deyib: "Türkiyə həm Azərbaycanın, həm də Rusiyanın yaxın əməkdaşıdır. Yaxın gələcəkdə Rusiya və Türkiyə arasında prezidentlər səviyyəsində növbəti sammit baş tutacaq. Qarşılıqlı əməkdaşlığın müxtəlif istiqamətləri barədə fikir mübadiləsi apacağıq. Bu məsələlərə ticarət, iqtisadiyyat, investisiya, müştərək infrastruktur layihələri ilə yanaşı xarici siyasətdə əməkdaşlıq və ilk növbədə Suriya böhranının nizamlanması daxildir. Suriya böhranının nizamlanması müştərək təşəbbüsümüz çərçivəsində reallaşır və İran da bizə qoşulub. Eyni zamanda, atəşkəsin əldə edilməsi, Suriya hökuməti ilə siyasi qruplaşmalar arasında dialoqun inkişafı da nəzərimizdədir".

Qeyd edək ki, Putinlə Ərdoğanın görüşü 10 mart tarixinə Moskva şəhərində baş tutacaq.

Hikmət
Ölkə.Az