İŞİD-in “canlı bomba” oyunundan zərər çəkən ölkələrinin adları açıqlanıb

İŞİD terrorçu təşkilatının törətdiyi qanlı cinayətlərin siyahısı hazırlanıb.

“Ölkə.Az” xəbər verir ki, Beynəlxalq Terrorçuğula qarşı Mübarizə Mərkəzinin hesablamalarına görə, İŞİD terror təşkilatında partlayış törətmiş terrorçu-kamikadzelər siyahısına Tacikistandan olanlar başçılıq edir.

Hesabatda bildirilir ki, 2014-cü ildə fəaliyyətə başlayan və özünü dövlət kimi qələmə verən terror təşkilatının 2015-ci ildən başlayaraq qanlı hadisələr törətməkdə dvam edir.

Hesablamalara görə. 2015-ci ilin dekabrından 2016-cı il noyabrın 30-dək Suriya və İraqda törədilən terror hadisəsində Tacikistanın 27 vətəndaşı özünü partladıb. Bundan başqa, Səudiyyə Ərəbistanının 17, Mərakeşin 17, Tunisin 14, Rusiyanın 13, Misirin, 11, Fələstinin 9, Çinin 7, İranın 7, Özbəkistanın 4, Türkiyə 4, Qazaxıstan və Əfaqnıstanın isə hər birinin iki vətəndaşı “canlı bomba” rolunu oynayıb.

Statistikaya görə, terrorçular ən çox insanların sıx olduğu ərazilərdə terror aktları törədiblərTerror aktlarını törədənlərin 70 faizdən çoxu bazar, təhsil müəssisələri, ictimai nəqliyyat, əyləncə obyektlərini hədəf seçiblər. Terrordan ən çox hərbçilər, təxminən 84 % zərər görüblər. Hesablamalara görə, son illər Suriya və İraqdakı döyüşlərdə iştirak etmək üçün ölkənin min yüz vətəndaşı gedib.

Qeyd edək ki, 2014-cü ildə İŞİD terror təşkilatı Bağdad yaxınlığındakı Kubaisanı ələ keçirib, əl-Anbar və Fəllucanı mühasirəyə alıb. Elə həmin ildə İŞİD terror təşkilatı Fəllucədə özünü dövlət kimi elan edib. 2014-cü ilin ortalarından başlayaraq Hələbdə Azad Suriya Ordusu İŞİD-ə qarşı birlikdə bir hücum başlayıb.

Ziya Səccad
Ölkə.Az