İraqda yerli tayfalar üsyan etdi:

"Ölkə.Az" xəbər verir ki, Nineva vilayətinin 22 tayfası PKK terror qruplaşmasının Sincarda mövcudluğunun əleyhinə çıxıb. Tayfa başçıları: "PKK-nı bu bölgədən çıxarın" çağırışı ediblər.

Nineva sərhədlərində yaşayan Əl-Cihiş, Əl-Niim, Əl-Lehib, ƏL-Raşid, Əl-Muamir, Hezrec, Abbasiyin, Əl-Bekara, Əl-Buselame, Əl-Havatib, Əl-İzet, Əl-Dilem, Əl-Ubeyiş, Əl-Şerabiyin, Zevbe, Zbed, Tayıh, Əl-Buhamdan, Ebu Hamed Əl-Sabavi, Kiyadin, Miyadin, Əl-Cuburi tayfa başçıları Duhokda görüşüblər. Görüşdə PKK-nın Sincardan çıxarılması tələb edilib.
Əl Cuburi tayfasının lideri Saba Abid ortaq bildiriş mətni oxuyub. Mətndə deyilir: "PKK xarici qüvvələrin planlarını həyata keçirir və İraqın sabiq baş naziri Nuri Malikidən maliyyə yardımı alır".
Tayfa başçıları PKK-nı bölgədən çıxarmaq üçün Bağdad Federal Məhkəməsinə v BMT-yə səsləniblər. Suriya tayfalarını PKK-ya dəstək olmamağa səsləyən Nineva tayfa başçıları deyib: "Onlar sadəcə Suriya rejimini məmnun etmək üçün oradakı torpaqları işğal edirlər. Biz Məsud Bərzanini və peşmərgələri dəstəkləyirik. Çünki onlar bizim şərəf və namusumuzu qorumağa çalışırlar".

Hikmət
Ölkə.Az