Polis mübahisə zamanı həmkarlarını güllələdi
Dağıstanda polis əməkdaşı həmkarlarını güllələyib.
“Ölkə.Az” xəbər verir ki, hadisə martın 8-də kafelərin birində qeydə alınıb.
Dağıstanın Daxili İşlər Nazirliyindən verilən məlumata görə, hadisə Qızılyurd şəhərindəki kafelərdən birində baş verən silahlı insident zamanı 3 polis əməkdaşı yaralanıb.
“Polis əməkdaşları kafedə olarkən mübahisə yaranıb. Nəticədə polislərdən biri tabeliyində olan silahdan atəş açaraq həmkarlarını yaralayıb. Yaralanan polislər dərhal xəstəxanaya yerləşdiriliblər”, - deyə nazirlikdən bildirilib.
Xəstəxanaya yerləşdirilən yaralıların vəziyyəti orta ağırdır. Onların həyatı üçün təhlükə olmadığı bildirilir.
Faktla bağlı araşdırmalara başlanılıb.
Ziya Səccad
Ölkə.az
