Ukrayna MDB-dəki nümayəndəsini geri çağırdı

Ölkə.az Ukrayna KİV-lərinə istinadən xəbər verir ki, prezident Poroşenko ölkəsinin MDB İcrayyə Komitəsindəki nümayəndəsini geri çağırıb.

Məlumatda bildirilir ki, Ukraynanın MDB-dəki nümayəndəsi 69 yaşlı Anatoli Dron öz istəyi ilə bu vəzifədən gedib.

Onun yerinə kimin təyin ediləcəyi haqda heç bir məlumat verilmir. Siyasi analkitiklər Kiyevin MDB-yə bir daha nümayəndə göndərməyəcəyi qənaətindədirlər.

Xatırladırıq ki, Ukrayna MDB-dən çıxdığını Rusiyanın Krımı işğal etməsindən bir neçə gün sonra, yəni cari ilin mart ayında elan etmişdi. Bundan başqa Ukrayna hələ də MDB-nin Nizamnaməsini ratifikasiya etmədiyinə görə bu qurumda ancaq müşahidəçi statusu daşıyırdı.

Ölkə.az