Rusiyadan erməni vertolyotunun vurulmasına reaksiya

Rusiya erməni hərbi vertolyotunun Azərbaycan Silahlı Qüvvələri tərəfindən vurulması faktına reaksiya verib

Rusiya Xarici İşlər Nazirliyi açıqlama verərək rəsmi Moskvanın Ermənistan və Azərbaycanı gərginliyin artmasına yönələn addımlardan çəkinməyə çağırdığını bildirib.

Rusiya XİN-in xüsusi nümayəndəsi Aleksandr Lukaşeviç bildirib ki, Moskva insan itkisi ilə nəticələnən Dağlıq Qarabağ münaqişə zonasında baş verən insidentdən narahatdır: “Həlak olanların ailələrinə dərin hüznlə başsağlığı veririk. Azərbaycan və Ermənistan rəhbərliklərinə Soçi, Nyu-York və Paris görüşləri zamanı münaqişənin sülh yolu ilə həlli axtarışlarında üzərlərinə götürdükləri öhdəlikləri xatırlatmaq istərdik”.

Qeyd edək ki, daha əvvəl ABŞ Dövlət Departamenti və ATƏT-in Minsk qrupu da eyni məzmunlu bəyanatla çıxış etmişdilər.

Ölkə.Az