Suriya müxalifətinin bir qrupu Astana görüşlərində iştirak edəcək
Qazaxıstanın paytaxtı Astana şəhərində Suriya müzakirələrinin üçüncü turu davam edir.
"Ölkə.Az" xəbər verir ki, Suriyanın hərbi müxalifətinin kiçik bir qrupu görüşlərdə iştirak edəcək. Verilən məlumatlara əsasən hərbi bir qrup sabah Astanaya yola düşəcək. Bir neçə nəfərdən ibarət nümayəndə heyəti atəşkəs məsələsini də müzakirə edəcək.
Əsasən hərbi müxaliflərdən ibarət heyətin bir nəfər mətbuat katibi də olacaq. Qrup müzakirələrə həftənin cümə axşamı qatılacaq.
Qeyd edək ki, iki gün əvvəl Suriya hərbi müxalifəti Rusiyanın təminatçısı olduğu rejim qüvvələrinin atəşkəsi dəfələrlə pozduğunu əsas gətirərək Astana görüşlərində iştirak etməyəcəyini bəyan etmişdi.
Hikmət
Ölkə.Az
