“Suriyada vəziyyətə ABŞ nəzarət edir”

Bu barədə politoloq Arzu Nağıyev Ölklə.Az-a açıqlamasında bildirib. Onun sözlərinə görə, bunun səbəbi danışıqlarda ABŞ və NATO-nun iştirak etməməsidir.

“Amerika görüşdə səfirini təqdim edir. Suriyada da, terror qruplarının, silahlı birləşmələrin və müxalifət qüvvələrinin başında duran elə ABŞ-dır. Əgər onlar danışığa getmirsə, nədən söhbət gedə bilər?”,  -deyə siyasətçi bildirib.

Rusiya, Türkiyə və İran məsələsinə gəlincə, A.Nağıyev deyir ki, burada 3 dövlətin Suriyada konkret maraqları var:

“İran anlayır ki, proses belə getsə, növbəti proses orada baş verəcək. İranda vəziyyət çox gərgindir. Bəhreyn, Səudiyyə Ərəbistanı və Qətər imkan verməyəcək ki, İran Suriyada öz bildiklərini etsin. Eyni zamanda, İsrail məsələsi var. ABŞ-ın da İrana qarşı konkret qərarları var. Məhz bütün bunları nəzərə alaraq, İran özünə koalisiya axtarır. Bunu da Rusiya qismində tapıb. Türkiyənin də əsas məqsədi var, kürd dövlətinin yaranmasına mane olmaq”.

Ziya Səccad
Ölkə.Az