Merkelin Moskva səfərinin vaxtı dəqiqləşdi
Almaniya hökuməti baş nazir Angela Merkelin Rusiyaya rəsmi səfərinin vaxtını açıqlayıb.
"Ölkə.Az" xəbər verir ki, kanslerin Moskvaya səfəri 2 may tarixində başlayacaq. Bu barədə Bavariyanın baş naziri Horst Zeehofer məlumat verib.
Merkel səfər çərçivəsində Rusiya prezidenti Vladimir Putinlə görüşəcək. Kanslerin səfərinin neçə günlük planlaşdırılması barədə məlumat yoxdur. Eyni zamanda, Merkelin Putinlə hansı məsələləri müzakirə edəcəyi də bildirilmir.
Rusiya prezidentinin köməkçisi Yuriy Uşakov məlumat verib ki, Merkelin Rusiyaya səfərinin vaxtı razılaşdırılıb.
Qeyd edək ki, bir müddət əvvəl Kremlin mətbuat katibi Dmitri Peskov bildirmişdi ki, Merkel və Putin arasında müzakirə mövzularından biri də Ukrayna məsələsi olacaq.
Hikmət
Ölkə.Az
