Rusiyada prezident seçkilərinin vaxtı dəqiqləşdi
Rusiyada keçiriləcək prezident seçkilərinin vaxtı dəqiqləşdirilib.
"Ölkə.Az" xəbər verir ki, Rusiya Mərkəzi Seçki Komissiyasının mətbuat katibi Maya Qrişina bu barədə məlumat verib.
Məlumata əsasən, istirahət və tətil günləri barədə Əmək nazirliyinin qanun layihəsi təsdiqlənsə, 2018-ci il üçün nəzərdə tutulmuş prezident seçkiləri ya 4, ya da 18 mart tarixlərində keçiriləcək.
Rusiya dövlət Duması təqdim edilən dəyişiklikləri dəyərləndirdikdən sonra iki tarixdən biri seçiləcək. Əmək nazirliyi isə tətil günlərinə aid qanun layihəsi hazırlayıb. Layihəyə əsasən 8-11 mart tarixləri arasında ölkədə bayram günləri olduğu üçün tətil elan ediləcək.
Qanunvericiliyə əsasən isə Rusiyada prezident seçkiləri mart ayının ikinci bazar günü keçirilir.
Hikmət
Ölkə.Az
