Erməni terrorunun iç üzü
Erməni millətçiləri tərəfindən xalqımıza qarşı həyata keçirilən soyqırımı və təcavüz siyasətinin iki yüz ilə yaxın bir tarixi var. Bu mənfur siyasətin məqsədi azərbaycanlıları tarixi torpaqlarından qovmaq, bu ərazilərdə erməni tarixçilərinin və ideoloqlarının uydurduğu “Böyük Ermənistan” dövləti yaratmaq idi.
Müəyyən tarixi dövrlərdə bəzi aparıcı dünya dövlətlərinin planlarına uyğun gələn bu siyasəti reallaşdırmaq üçün müntəzəm surətdə ideoloji, hərbi və təşkilatı xarakterli iş aparılmış, tədbirlər həyata keçirilmiş, ən müxtəlif üsul və vasitələrdən istifadə edilib. Xalqımızın tarixi kobud şəkildə saxtalaşdırılmış, maddi və mədəniyyət abidələrimiz, toponimlərimiz erməni tarixçiləri və “ideoloqlarının” təcavüzünə məruz qalıb. Onlar millətçiliyi və şovinizmi, qonşu xalqlara nifrət ideologiyasını əsas tutaraq “milli-mədəni”, siyasi və hətta terrorçu təşkilatlar yaradıb, erməni diasporunun və lobbisinin imkanlarını bu məqsədlərə səfərbər ediblər.
1973-cü ilin 27 yanvar tarixində ABŞ-da və bütün dünyada ermənilər türklərə, türk şirkətlərinə qarşı qəddar terror kampaniyasına başladılar. Ermənilərin məqsədi ictimaiyyəti məcburən “erməni soyqırımı” mifinə inandırmaq idi. Hayların özləri də bu mifin real olduğuna artıq inandırılıblar və bu yolda təbliğata davam edirlər.
Daşnaksütyun erməni inqilab federasiyası ermənilərin terror mövzulu ən qədim siyasi partiyalarından biri sayılır.
Hökumətin başında liderlədən O.Kaçaznuni, A.Xatisyan, A.Ohancanyan, S.Vratsyan dururdu. Partiya 1890-cı ildə Tiflisdə keçirilən qurultayda yaradılıb.
Partiyanın məqsədi Osmanlı İmperiyasında yaşayan ermənilərin qiyamı idi. Qafqaz, İran, Türkiyə və Avropa şəhərlərində şöbələri olub.
Partiya terrora müstəqillik uğrunda mübarizənin bir vasitəsi kimi baxırdı. İranda döyüşçülər üçün baza qurulur. Bazada təlim keçən döyüşçülər Türkiyə ərazisinə keçərək üsyanı dəstəkləyirdilər.
Partiya ilk addımlarından etibarən terrorizmdən istifadə etməyə başlayır. 1894-cü ildə bir qrup döyüşçü İstanbulda “Osmanlı bank”ını ələ keçirirlər. Qərb dövlətlərinin təhlükəsizlik barədə təminatını alan terrorçular Türkiyə ərazisini tərk etdilər. 1905-ci ildə Sultan Əbdül Həmidin karetasına bomba qoyulur. Rusiyada baş verən vətəndaş müharibəsi dövründə Daşnaksütyun qısa müddətə hakimiyyəti ələ keçirir. Birinci dünya müharibəsi başa çatdıqdan sonra Daşnaksütyun Osmanlı İmperiyasının sabiq məmurlarıın axtarışlarına çıxır.
Daşnaksütyun erməni inqilabı federasiyasının agentləri tərəfindən bu məmurların bir çoxu izlənilir və qətlə yetirilir.
1921-ci ilin 15 mart tarixi. Almaniyanın Şarlottenburq şəhərində Tələt Paşa Soqomon Teyliryan tərəfindən qətlə yetirildi. 1921-ci ilin 3 iyun tarixində qatilə Berlin məhkəməsi tərəfindən bəraət verildi.
1921-ci ilin 6 dekabr tarixi. İtaliya, Roma şəhəri. Arşavir Şarikyan Türkiyənin sabiq baş naziri Said Halim Paşanı qətlə yetirir.
1921-ci ilin 19 iyul tarixi. Bakının azərbaycanlı əhalisini erməni soyqırımından qorumaq üçün müdafiəni təşkil edən Cavanşir Misak Toriakyan tərəfindən qətlə yetirilir.
Şarikyan və Aram Yerkanyan Biəddin, Şakir Paşa, Camal Aqmin və Cemal Paşanı qətlə yetirirlər.
Daşnaksütyun erməni inqilabı federasiyası 1967-ci ilə qədər sovetlərin əleyhinə mövqedə dayanmışdı. Amma 1967-ci ildə keçirilən 19-cu qurultaydan sonra mövqedə dəyişiklik oldu.
1972-ci ildə partiyanın 20-ci qurultayı keçirilir. Avstriyanın paytaxtı Vyana şəhərində baş tutan qurultayda vacib qərar qəbul edilir. Qərara əsasən, mübarizədə təkcə öz gücünə arxayın olmaq və istənilən əməkdaşlıq rədd edilməli idi.
SSRİ ərazisində təşkilat ləğv edilir və ancaq xaricdə fəaliyyət göstərməyə başlayır. Tezliklə Daşnaksütyunun ABŞ, Fransa, Yunanıstan, İran və digər ölkələrdə filialları açılır. Amma SSRİ-nin son illərində partiya yenidən fəaliyyətini bərpa edir. Bu fəaliyyətin əsas istiqaməti Ermənistanda və Azərbaycanın Qarabağ bölgəsində təbliğatla məşğul olmaq, partiyanın məqsədi isə Qarabağın ilhaqı idi. Daşnaksütyun erməni diasporunun mövcud olduğu bütün ölkələrdə aktiv fəaliyyətə başlayır. Bu ölkələrin arasında Livanın adını xüsusən qeyd etmək lazımdır.
1918-1920-ci illərdə Daşnaksütyunun terrorçu qrupları bolşeviklər tərəfindən Bakıda azərbaycanlıların müqavimətinin yatırılması məqsədi ilə istifadə edilib.
1918-ci ilin may ayında Rusiya Xalq Komissarları Şurasına yazdığı məktubda Şaumyan deyirdi: “Qızıl Ordunun döyüşçülərindən əlavə, erməni daşnak millətçilərindən də istifadə etməli olduq. Onların sayı 4 min nəfər idi. Bu dəstələr 1915-ci ildə Şərqi Anadoluda vacib əməliyyatlarda iştirak ediblər. Daşnakların iştirakı ilə sovet hakimiyyətinin qurulması uğrunda aparılan mübarizə milli qətliama səbəb oldu. Amma bundan qaçmaq mümkün deyildi və biz qəsdən buna getdik (İnanmayanlar, sovet aşiqləri baxa bilər: С.Шаумян, «Избранные произведения», М., 1978, т-II).
Bu gün Daşnaksütyun partiyası Ermənistan parlamentində təmsil olunur...
Hikmət
Ölkə.Az
