Ebolanın qarşısı alındı

Konqoda Ebola virusu dayandırılıb.

Ölkə.Az Frans 24 telekanalına istinadən xəbər verir ki, Konqo Demokratik respublikasının ( KDR) hökuməti Ebolanın yayılmasının qarşısının alındığını bəyan edib. Hökumət nümayəndələri 42 gün ərzində bir dəfə də olsun Ebolaya yoluxma faktının qeydə alınmadığına görə bu bəyanatla çıxış ediblər.

"Epidemiyanın dayanması bizim təhlükəsizlikdə olmağımız demək deyil. Digər ölkələrdə olduğu kimi, Konqo Demokratik respublikasında da Ebola təhlükəsi vardır", - deyə, KDR-in səhiyyə naziri Feliks Kabanqe Numbi bildirib.

Oktyabrın sonunda Ümumdünya səhiyyə təşkilatı Konqonun noyabr ayında Eboladan azad olunmuş ölkə olacağını proqnozlaşdırmışdı. Ümumillikdə Konqo respublikasında Ebolaya 66 yoluxma halı qeydə alınmışdı. Qurbanların sayı isə 49 nəfərə çatmışdı. Ölənlər arasında 8 şəxs humanitar işçi olub.

Rəşid Mustafazadə

Ölkə.Az