Trampın yeni bəyanatı: \"Çin müdaxilə etməsə, biz edəcəyik\"

"Ölkə.Az" xəbər verir ki, Çin müdaxilə etməsə, problemi ABŞ həll edəcək.

ABŞ prezidenti deyib: "Çin ya bizə kömək etməyə qərar verəcək, ya da yardım etməyəcək. Əgər kömək etsələr, bu Çin üçün çox yaxşı olacaq. Əgər kömək etməsələr, bu heç kəs üçün yaxşı olmayacaq".

Şimali Koreya probleminin Çin olmadan da ABŞ tərəfindən həll edilə biləcəyini bildirən Tramp davam edib: "Əgər Çin bu problemi həll etməsə, bunu biz həll edəcəyik".

ABŞ-ın BMT-dəki nümayəndəsi Nikki Haley də Şimali Koreya ilə bağlı açıqlama verib. Haley ABŞ-ın artıq Çinin Şimali Koreya mövzusunda nə qədər narahat olduğunu duymaq istəmədiyini söyləyib: "Bizə necə narahat olduqlarını göstərməlidirlər. Şimali Koreyanın qarşısını ala biləcək yeganə dövlət Çindir və onlar da bunu bilirlər".

Hikmət
Ölkə.Az