ABŞ, Yaponiya və Cənubi Koreya hərbi təlimlər keçirir
ABŞ, Yaponiya və Cənubi Koreya dövlətləri Şimali Koreya təhlükəsinə qarşı ortaq hərbi təlimlər keçirməyə başlayıblar.
"Ölkə.Az" xəbər verir ki, təlimlər əsasən artan dənizaltı nüvə təhlükəsinə qarşı keçirilib.
Cənubi Koreya milli müdafiə nazirliyi Jeju adası yaxınlığında keçirilən təlimlərin 3 gün davam edəcəyini açıqlayıb.
Təlimlərdə "Aegis" raketdən müdafiə sistemi, hərbi gəmilər və helikopterlər iştirak edir. Təlimlərin məqsədi Şimali Koreyanın dəniz altından göndərilən ballistik raketlərə qarşı cavab verməkdir.
Cənubi Koreya və ABŞ mart ayında da illik ortaq təlimlərə başlamışdı. "Körpə qartal" adı verilən bu hərbi təlimlər aprel ayının sonuna qədər davam edəcək.
Hikmət
Ölkə.Az
