\"Kim Çen In üçün tələ qurulur\"

Təlimlərdə "Aegis" raketdən müdafiə sistemi, hərbi gəmilər və helikopterlər iştirak edir. Təlimlərin məqsədi Şimali Koreyanın dəniz altından göndərilən ballistik raketlərə qarşı cavab verməkdir.

Azərbaycanlı siyasətçilər düşüünrlər ki, bu addımla Şimali Koreyadan gələn təhlükənin qarşısını almaq üçün hazırlıq prosesi gedir. Politoloq İlqar Altay Ölkə.Az-a açıqlamasında bildirib ki, qonşu dövlətlər Şimali Koreya lideri Kim Çen Inın hər an ağlına gələn hərəkəti etməsindən ehtiyat edirlər. 

Şimali Koreyanın atom imkanı var. Elə dövlətlər var ki, bu imkanlar daha çoxdur. Lakin Şimali Koreya rəhbərliyi qorxuludur. Onlarda bir raket belə olsa, qorxulurdu. Bu böyük təhlükədir. Xüsusən də ətraf ölkələrə üçün dəhşətli mənzərədir. Şimali Koreyanı idarə edən diktatordur. O, heç kimlə razılaşmır və bildiyini edir. Kim Çen In Beynalxaq qanunlara əməl etməyən, özünü ağılsız insan kimi aparan şəxsdir. Onun əlində belə silahın olması bütün ölkələr, xüsusən güc dövlətləri üçün narahatlıq yaradır”,  - deyə İ.Altay bildirib.

Siyasətçi deyir ki, bu səbəbdən də, ABŞ, Yaponiya və Cənubi Koreya müdafiə sistemi qurub:

“Bu ölkələr vaxt keçdikcə Şimali Koreyanın üzərində nəzarət gücləndirəcəklər. Hər şey gözlənilə bilər. Düşünürəm ki, azacıq məsuliyyəti olsa, Kim Çen In nəticə çıxarar. Əgər əksi olarsa, bu yaxşı nəticə verməyə bilər. Hər an partlayışa səbəb olan addımlar atıla bilər. Şimali Koreya hər an nüvə raketlərinin sınağını keçirir. Bu da region üçün böyük problemlər yaradır”.

Ziya Səccad
Ölkə.Az