Tramp Rusiyada törədilən terrordan danışdı

"Ölkə.Az" xəbər verir ki, D.Tramp Sankt-Peterburq metrosunda partlayışı dəhşətli hadisə adlandırıb. Tramp bu barədə Misir dövlətinin başçısı Abdel Fəttah as-Sisi ilə Ağ Evdə danışıqlar zamanı jurnalistlərin suallarını cavablandıran zaman deyib. Onun sözlərinə görə. Belə hadisələr hər bir dövlətdə baş veir.

“Bu dəhşətli terrordur. Hər yerdə belə hadisələr olur. Çox dəhşətli hadisədir”, - deyə Tramp bildirib.

Qeyd edək ki, bu gün Rusiya vaxtı ilə saat 14:30-da Rusiyanın Sankt-Peterburq şəhərində metroda terror aktı törədilib. Rusiya səhiyyə naziri Veronika Skvortsova bildirib ki, hadisə nəticəsində 10 nəfər ölüb, 47 nəfər yaralanıb. Rusiyanın Mariinskaya xəstəxanasından məlumat verilib ki, yaralılardan 2 nəfər də ölüb. Partlayış əsnasında Rusiya prezidenti Vladimir Putin Belorus prezidenti Aleksandr Lukaşenko ilə rəsmi görüş keçirib. Görünən odur ki, partlayış Rusiya prezidentinə bir mesaj olub. Buna səbəb kimi isə Rusiyanın xarici siyasət kursu göstərilir.

Ziya Səccad
Ölkə.Az