İŞİD polis paltarında Tikritə hücum etdi

"Ölkə.Az" xəbər verir ki, terrorçular polis paltarı və avtomobillərindən istifadə edərək şəhərə hücum edib. Hücum nəticəsində 26 nəfər həlak olub. Həlak olanların 14-ü polis əməkdaşıdır.

Verilən xəbərə görə, Bağdaddan 175 km şimalda yerləşən şəhərə 10 nəfər hücum edib. Onlardan ikisi kamikadze terrorçu olub.

Hücumçular polis nəzarət nöqtəsini və bir polis polkovnikinin evini hədəf alıb. Polkovnik və ailəsinin 4 üzvü həlak olub.

İki kamikadze isə polislər tərəfindən mühasirəyə düşdükdə üzərlərindəki bombanı işə salıblar. 3 terrorçu isə silahlı toqquşmada öldürülüb. 5 İŞİD terrorçusu hələ də gizlənir. Tikritdə küçəyə çıxmaq qadağan edilib.

Hikmət
Ölkə.Az