Somalidə “Əş-Şabab” terror təşkilatına qarşı müharibə elan edildi

"Ölkə.Az" xəbər verir ki, ölkə rəhbəri Məhəmməd Abdullahi Məhəmməd ordunun güclənməsi üçün yeni addımlar atıb. Prezident ilk öncə ordu və kəşfiyyat qurumlarının başçılarını dəyişib. Daha sonra orduya islam adı altında fəaliyyət göstərən “Əş-Şabab” terror qrupuna qarşı yeni hücuma keçməyi tapşırıb.

Məhəmməd Abdullahi terrormulara təslim olmaq üçün 60 gün möhlət verib. Əks təqdirdə, təşkilatın bütün üzvləri sorğu-sualsız öğldürüləcək. Ölkə başçısı 60 gün içərisində “Əş-Şabab”ın tam məhv edəcəyini bildirib.

Qeyd edək ki, Somali ərazisində beynəlxalq "Əl-Qaidə" terror təşkilatı ilə sıx əlaqələri olan "Əş-Şabab" ("Gənc mücahidlər hərəkatı") radikal qruplaşması fəaliyyət göstərir. ABŞ 2008-ci ildə bu təşkilatı terrorçular siyahısına daxil edib.

Ziya Səccad
Ölkə.Az