Ərdoğandan çox ağır
Türkiyə prezidenti Rəcəb Tayyip Ərdoğan Avropanı sərt tənqid edib.
"Ölkə.Az" xəbər verir ki, ölkə başçısı Balıkəsirdə təşkil olunan mitinqdə çıxışı zamanı Avropanı tükənən “çürüyən qitə”yə bənzədib.
“Avropa bu gün çürüməkdə olan qitədir, onun artıq nə Türkiyəyə, nə də ki beynəlxalq ictimaiyyətə deyəcək sözü yoxdur. Avropa özünü tükəndirib və düşdüyü vəziyyət ona baha başa gələcək. Avropalıların əsrlərlə qoruduğu dəyərlər rədd edilib”, - deyə Ərdoğan vurğulayıb.
Onun sözlərinə görə, bu gün Avropa ölkələrində insan haqları pozulur, demokratiya normalarına əməl olunmur:
“Avropa artıq demokratiya mərkəzi yox, zorakılıq və nasizm mərkəzidir. Bu gün milyardlarla insanın gözü qarşısında Avropa insan haqlarını pozur. Avropa artıq demokratiyanın yox, zorakılığın, nasizmin mərkəzidir".
Ziya Səccad
Ölkə.Az
