Sankt Peterburq metrosunda törədilən terrorda şübhəli bilinən 8 nəfər saxlanıldı
"Ölkə.Az" xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko bildirib. Onun sözlərinə görə, saxlanılanlar Seyfula Xakimov, İbrahimjon Yermatov, Dilmurod Muidinov, Bəhram Yerqaşev, Azamjon Mahmudov, Məhəmmədyusuf Mirzalimov, Şohistə Kərimova və Sodiq Ortikovdur.
“Rusiya terorrçuların hədəfindədir. Aprelin 3 və sonrakı tarixlərdə baş verən və cəhd edilər terror aktları buna əyani sübutdur. Bununla əlaqədar Rusiya hüquq-mühafizə orqanları mütəmadi olaraq sayıqlıq nümayiş etidrir. Federal Təhlükəsizlik Xidməti və digər hüquq-mühafizə orqanlarının əməkdaşları birgə əməliyyatı zamanı Sankt Peterburqda 6, Moskvada isə 2 nəfər saxlanılıb”, - deyə Svetlana Petrenko bildirib.
Saxlanılanların evlərinə baxış zamanı “Ploşad Vosstaniya” stansiyasında aşkarlanan partlayıcı qurğu ilə analoji bomba, odlu silah və döyüş sursatları aşkarlanıb.
Qeyd edək ki, aprel ayının 6-da Sankt-Peterburq hüquq-mühafizə orqanlarının keçirdiyi digər əməliyyuat nəticəsində İŞİD terror təşkilatı ilə əlaqədə şübhəli bilinən 2 nəfər saxlanılıb. Şəhər prokurorluğu məlumat verib ki, saxlanılan şəxslər barədə araşdırma aparılacaq müddətə qədər 2 ay həbs cəzası kəsilib.
“Saxlanılan şəxslər İŞİD terror təşkilatı ilə əlaqəda şübhəli bilinirlər. Bu baxımdan istintaq gedir. Araşdırmalar aparılacaq müddət ərzində saxlanılan şəxslər barəsində 2 ay müddətinə həbs cəzası kəsilib”, - deyə şəhər prokurorluğu məlumat yayıb.
Saxlanılan şəxslərdən biri 1997-ci il təvəllüdlü Atabey Rustamovdur. Digər saxlanılan şəxs isə Ulu İslambekovdur. Hələlik onların bir-biri ilə əlaqəli olub-olmadığı müəyyənləşməyib.
Xatırladaq ki, aprelin 3-də Rusiya vaxtı ilə saat 14:30-da Rusiyanın Sankt-Peterburq şəhərində metroda terror aktı törədilib. Hadisə zamanı 14 nəfər ölüb. Partlayış Qırğızıstan əsilli Akbarjon Cəlilov tərəfindən həyata keçirilib.
Partlayış əsnasında Rusiya prezidenti Vladimir Putin Belorus prezidenti Aleksandr Lukaşenko ilə rəsmi görüş keçirib. Görünən odur ki, partlayış Rusiya prezidentinə bir mesaj olub. Buna səbəb kimi isə Rusiyanın xarici siyasət kursu göstərilir. Həmin hadisədən sonra Rusiya ərazisində terorçularla mübarizə gücləndirilib. Bundan sonra ölkədə bir çox ərazidə planlaşdırılan dəhşətli terror aktlarının qarşısı alınıb.
Ziya Səccad
Ölkə.Az
