Reks Tillerson Moskva səfəri ərəfəsində ABŞ-ın Rusiyaya qarşı tətbiq etdiyi sanksiyalardan danışdı

Amerika Rusiyaya qarşı Ukrayna və Krım məsələsinə görə tətbiq etdiyi sanksiyaları qüvvədə saxlayacaq.

"Ölkə.Az" xəbər verir ki, bu barədə ABŞ-ın xarici işlər naziri Reks Tillerson Moskva səfəri ərəfəsində jurnalistlərə açıqlamasında bildirib. Onun sözlərinə görə, Rusiya hökuməti tutduğu siyasətdən əl çəkməyənə qədər sanksiyalar davam edəcək.

“ABŞ Rusiyaya qarşı sanksiyaları tətbiq etməkdə davam edəcək. Bu məsələnin yalnız bir yolu var. Rusiya Ukraynana qarşı təcavüzünə son qoymalı, razılaşmalara əməl etməlidir. Əgər bu baş verməzsə, Rusiya həmişə qınaq obyektində olacaq. ABŞ Rusiyaya qarşı sanksiyaları daha da sərtləşdirəcək”, - deyə R.Tillerson bəyan edib.

Qeyd edək ki, ABŞ-ın xarici işlər naziri Reks Tillerson aprel ayının 11 və 12-də Rusiyada rəsmi səfərdə olacaq. Dünya siyasətçiləri səfərdə ABŞ-ın Rusiyaya qarşı tətbiq etdiyi sanksiyaların yumuşaldılacağı barədə fikirlər səsləndirsələr də, nazir bu açıqlaması ilə məsələyə adınlıq gətirdi.

Ziya Səccad
Ölkə.Az