Çavuşoğlu təcili Lavrova zəng etdi
"Ölkə.Az" xəbər verir ki, bu barədə Rusiyanın Xarici İşlər Nazirliyi məlumat yayıb. Verilən məlumata görə, telefon danışığı zamanı Sergey Lavrov və Mövlud Çavuşoğlu Suriyadakı son hadisələrlə bağlı fikir mübadiləsi aparıblar.
S.Lavrov bildirib ki, ABŞ-ın Homs şəhəri yaxınlığındakı hərbi aerodroma hava zərbələri endirməsi Moskva və Ankaranın Suriyada böhranın nizamlanması səylərini sarsıdır.
“Tərəflər Xan-Şeyxunda baş verən hadisələrin obyektiv, qərəzsiz araşdırılması, həmçinin bundan əvvəl terror qruplaşmaları tərəfindən kimyəvi silahdan istifadə edilməsi hallarının öyrənilməsinin vacibliyini vurğulayıblar”, məlumatda qeyd edilib.
Qeyd edək ki, Türkiyə baş nazirinin müavini Numan Kurtulmuş Türkiyənin ABŞ donanmasının Suriyada aviabazaya zərbə endirməsini müsbət qiymətləndirdiyini bildirib.
Ziya Səccad
Ölkə.Az
